БИШКЕК, 8-янв. — Sputnik. Дайынсыз жоголуп кеткен 45 жаштагы Юлия Анищенко табылганын Sputnik Кыргызстан агенттигине анын туугандары билдирди.
Ал 2-январь күнү Бишкектеги үйүнөн чыккан боюнча кайтып келген эмес.
"Токмокко баратканда ичинде уюлдук телефону, паспорту жана акчасы салынган сумкасын уурдатып жиберген. Ал баштыгын өз алдынча издегенге аракет кылып, таппай койгон. Юлияны ал тууралуу жоголуп кетти деген маалыматты окугандар таап, байланышканга жардам беришти. Бүгүн аны үйгө алып кеттик", — деди тууганы.
Алар Юлия Анищенкого таандык паспортту жана телефонду таап алгандар болсо кайтарып берүүнү суранды.