БИШКЕК, 7-янв. — Sputnik. Австралиянын токойлорунан чыккан ири өрттүн түтүнү Түштүк Американын Чили өлкөсүн да каптады. Бул туурасында Чилинин метеорологиялык кызматынан билдиришти.
Метеокызмат абанын агымы түтүндү Чили менен Аргентинага чейин алып келгенин билдирип, анын спутниктен тартылган сүрөтүн жарыялады.
Түтүндү Чилинин дээрлик бардык түштүк жана борбордук аймактарынан көрүүгө болот.
Австралияда сентябрдан берки өрттөн миллиондогон гектар жер күйүп, миңдеген үйлөр жок болгон, ошондой эле жүз миңден ашык жаныбар өлгөн. Анын 8 миңи коала жаныбары. Тилсиз жоо 17 кишинин өмүрүн алган.
Өрттү массалык түрдө өчүрүү жүргүзүлүүдө.