БИШКЕК, 3-янв. — Sputnik. Американын CNN Travel телеканалы туристтер 2020-жылы сөзсүз кыдыра турчу дүйнөдөгү 20 жерди тизмектеген. Рейтингде Кыргызстан дагы бар.
CNN телеканалынын версиясы боюнча, Кыргызстан — Орто Азиянын бермети.
"Ысык-Көлдүн каньондорду Американыкынан кем калбайт. Ак карлуу бийик тоолорун Альп тоолоруна теңесе болот. Кышкысын Караколдо лыжа тепкен жакшы. Жайында болсо Тянь-Шань тоолорунда ат минип, жөө басуу өзүнчө ырахат", — деп жазылат маалыматта.
2020-жылы сөзсүз кыдыра турчу аймактардын катарында Чилидеги Конгуиллио улуттук паркы жана Монте-Верде археологиялык эстелиги да кирген.
Телеканал Даниянын борбору Копенгагенди эң бактылуу борбор деп атаган. Рейтингде Израилдеги Иерусалим жана Жансыз деңиз, Доминика чыгыш Кариб аралы, дайвинг боюнча атагы чыккан Эстония кирген.