БИШКЕК, 2-янв. — Sputnik. Россияда жаныбарларды багуу, кармоо боюнча жаңы тартиптер иштелип чыкты. Бул тууралуу РИА Новости агенттиги жазды.
Россияда 2018-жылы "Жаныбарларга жоопкерчиликтүү мамиле кылуу жөнүндө" документ иштелип чыккан, бирок жаңы жылда ага кошумча жоболор киргизилди.
Үстүбүздөгү жылдын 1-январынан тарта адам өмүрүнө коркунуч жараткан иттер менен курчалбаган аймактарда тумшук кабы, жиби жок жүрүүгө болбойт. Маданий оюн-зоок иш-чараларга катышкан жаныбарлардын өмүрүнө зыян келтирген, коркунуч жараткан дарыларды колдонууга тыюу салынды.
Ошондой эле 2020-жылы кароосуз калган жаныбарларды караган жайдын ээси, жаныбардын кожоюнундай эле жоопкерчиликти алат жана аларды ветеринардын тиешелүү уруксатысыз өлтүрө албайт.
Өткөн жылдын декабрь айында Россия премьер-министри Дмитрий Медведев Жаратылыш ресурстары жана экология министрлиги иштеп чыккан документке кол койгон.