Көрүүчүлөр театрга келгенде иштелип, даярдалган эмгектердин жыйындысын, акыркы вариантын көрөт. Көшөгө ачылып, элге даяр продукцияны тартуулаганга чейин бир топ машакат менен түйшүктүү учурлар артисттердин, режиссёрлордун, хореографтардын өзүнө гана маалым. Ар бир балеттин, спектаклдин артында тер төккөн эмгек, ондогон, жыйырмалаган, ал тургай жүздөгөн кишилердин мээнети жатат.
Биз сунуштаган ар бир сүрөттө ошол адамдардын биргелешкен эмгегинен жаралган даяр чыгарманы, мээнетти көрүүгө болот.
Sputnik сүрөтчүсү кызыктуу, башкача жана суктандыра турган ирмемдерди кармаганга аракет кылган.