БИШКЕК, 31-дек. — Sputnik. Россия президенти Владимир Путин Кыргызстандын өлкө башчысы Сооронбай Жээнбековду жана жалпы кыргыз элин Жаңы жыл майрамы менен куттуктады. Бул тууралуу мамлекет жетекчисинин маалымат кызматы кабарлады.
Путин өз сөзүндө кыргыз-россиялык өнөктөштүк жана союздаштык үчүн көп иштер аткарылганын белгилеген.
"Сизге, Сооронбай Шарипович, Сиздин жакындарыңызга жана үй-бүлөңүзгө бекем ден соолук, бакыт жана ийгиликтерди, ал эми Кыргызстандын бардык жарандарына тынчтык жана бакубатчылык каалайм", — деп айтылат телеграммада.
Мындан тышкары, куттуктоодо Россиянын жана Кыргызстандын кайчылаш жылы деп жарыяланган 2020-жылы бардык тармактарда өз ара пайдалуу кызматташтыкты өнүктүрүү боюнча жумуштар улантылаарына ишеним арткан.