Бул тууралуу маалымат алгач Instagram баракчадагы limpopovet деп аталган аккаунтка чыккан.
Красноярск аймагындагы ветеринардык клиниканын дарыгерлери "пациенттин" кожоюну жана өздөрү үчүн тараканды кармалоо, ага кам көрүү адаттагы иш. Бирок көпчүлүк үчүн итиркейди келтирет.
Видеодо медициналык кызматкер алгач тараканды "уктаткандан" кийин анын куурчакчасын алып салып жатат.
Көңүл коюп караган киши ассистент берген ооруну басаңдатуучу дарыны таракандын чопулдатып соруп жатканына да күбө болот.
Мындан мурда дарыгерлердин бири Марина Андрианова ургаачы таракандын куурчакчасын алып салганын айтып берген.
"Архимандрит-таракандын төрөгөндөн кийин куурчакча түзөлүп, калыбына келбей койгон. Буга кошумча, өнүкпөй калган дагы бир нече личинкалары калыптыр. Бизге кожоюну аны такыр эле жаман абалда алып келген, эгерде операция жасалбаса өлүп калмак. Азыр биздин "пациент" үйүндө", — деп айтып берген дарыгер.
Архимандрит-таракан — Түштүк Америкада жашаган жандыктардын бир түрү. Мекени Коста-Рика жана Панама. Узундугу 75-85 миллиметр (көлөмү чоңдорунуку — 100 миллиметрге жетет). Булар сейрек кездешкен курт-кумурскалардын түрүнө кирет.