БИШКЕК, 27-дек. — Sputnik. Жогорку Кеңештин депутаттары жаңы жылдык эс алуудан кийин үч күн региондорду кыдырат. Бул тууралуу парламенттин маалымат кызматы кабарлады.
Билдирүүгө ылайык, эл өкүлдөрү 8-9-10-январь күндөрү өлкө аймагындагы шайлоочулар менен жолугушуу боюнча токтом кабыл алган. Андан кийин эки күн ишемби менен жекшембиге туура келет. Демек, эл өкүлдөрү 13-январдан тарта жумушка чыгат.
Белгилей кетсек, кыргызстандыктар Жаңы жыл майрамдарына карата 7-январга чейин эс алат.