БИШКЕК, 24-дек. — Sputnik. Россиялык атактуу актриса Анастасия Заворотнюк жаңы жылды өзү дарыланып жаткан клиникада тосо турган болду.
Дарыгерлердин айтымына караганда, анын абалы оор болгондуктан, Жаңы жылды үйүнөн тосууга дарыгерлер уруксат беришкен эмес. Жакын туугандары эс алуу күндөрүндө жанында боло албай турганы Mash Telegram-каналында кабарланды.
"Туугандары майрамды Заворотнюктун үйдө тосушуна аракет кылып, суранганы менен дарыгерлерден уруксат ала алышкан жок", — деп жазылган маалыматта.
Заворотнюк майрамды ооруканада тоскону менен жакындары ага каалаган учурда барып, көрүп турганга уруксат алган.
Эске салсак, россиялык актриса жана алып баруучу Анастасия Заворотнюктун мээ рагына кабылганы тууралуу август айында билинген. Кийинчерээк дарыгерлер анын дарты айыккыс экенин айтышкан.
Ал эми 23-сентябрь күнү медиктер актрисаны дарылоону токтотуп, жүрөгүнүн согушун гана көзөмөлдөп жатышканы боюнча маалымат тараган.
Ноябрь айында үй-бүлөнүн жакыны, "Ласковый май" тобунун продюсери Андрей Разин Заворотнюктун абалы жакшыра баштаганын айткан.