ЖАЛАЛ-АБАД, 23-дек. — Sputnik. Мурдагы депутат Камчыбек Ташиевге таандык Жалал-Абад шаарындагы мунай базасынан кайрадан өрт чыкты. Бул тууралуу Sputnik Кыргызстан агенттигинин аймактык кабарчысы жеринен билдирди.
Ал эми Өзгөчө кырдаалдар министрлиги Шерматов көчөсүндө жайгашкан мунай базадан чыккан өрт саат 16:52де толугу менен өчүрүлгөнүн маалымдады.
Кырсыктан эч ким жабыркаган эмес.
Эске салсак, үстүбүздөгү жылдын 10-майында ушул эле мунай базада өрт чыккан.
Кырсыктын кесепетинен бир өрт өчүрүүчү жана мунай базанын кызматкери жаракат алып, ооруканага жеткирилген. Тегерек четинде жашаган эки миңдей тургун эвакуацияланган. Мунай база "Томас и Ко" компаниясына таандык болуп, анын жетекчилеринин бири саясатчы Камчыбек Ташиевдин бир тууганы Казыбек Ташиев экени белгилүү болгон.