БИШКЕК, 21-дек. — Sputnik. Кыргызстандагы мектептердин 99 пайызы интернетке туташканын билим берүү жана илим министринин орун басары Надира Жусупбекова өкмөттүн социалдык блогунун ЖМК менен болгон жолугушуусунда айтты. Бул тууралуу министрликтин маалымат кызматы билдирди.
"Дээрлик бардык мектептер, бардык айылдар дүйнөлүк желеге кошулду", — деди ал.
Жусупбекова, андан сырткары, быйылкы окуу жылында сегиз миң мугалим квалификациясын дистанциялык түрдө жогорулата турганын кошумчалады.