БИШКЕК, 20-дек. — Sputnik. Ош шаардык ооруканасында дарыланып жатып качып кеткен Алмаз Калдыбаев аттуу шектүү Бишкек шаарынан кармалды. Бул тууралуу шаардык милициядан билдиришти.
Бейтап Жазык кодексинин 202-беренеси ("Каракчылык") менен кармалган. Ал ден соолугуна байланыштуу Ош шаардык ооруканасынын нейрохирургия бөлүмүнө жаткырылып, милиция кызматкеринин кайтаруусунда болчу.
Ошто ооруканада дарыланып жатып качып кеткен шектүү кармалды
© Фото / Зульфия Тургунова
Бирок 17-декабрь күнү из жашырып кеткен. Шектүүнү кармоо үчүн "Сирена" операциясы жарыяланган.
Кылмышка шектүү Алмаз Калдыбаев 1989-жылы туулган, Кара-Суу районунун Лангар айылынын тургуну. Ош шаарынын Касымбеков көчөсүндө жайгашкан 41-жатаканада убактылуу жашап келген.