Суу сактагычтын алдында 25тей кыштак калып, гектарлаган айдоо аянттары мелмилдеген сууга көмүлгөн. Азыр аталган гидроэлектр станциясы ата мекендик энергетиканын флагманы. Андагы суунун абалы өлкөдөгү саясий кырдаалдын туруктуулугуна, митинг-пикеттердин болушуна, жада калса, алыскы айылдагы кожойкенин маанайына чейин таасирин тийгизет. Себеби Токтогул ГЭСинен чыккан жарык Кыргызстандын жалпы электр кубатынын 30 пайызын түзөт.