Аксы районундагы баасы 6 млн. сомдон ашык жер тилкеси муниципалитетке кайтарылды

Аксы райондук прокуратурасынын мэриянын токтомун жокко чыгаруу боюнча өтүнүчү канааттандырылган. Кеп мыйзамсыз берилип кеткен жер туурасында болууда.
Sputnik

БИШКЕК, 18-дек. — Sputnik. Аксы районунун Кербен шаарынын мэриясы баасы 6 миллион 327 миң 998 сом болгон 1,15 гектар жер тилкесин муниципалитеттин менчигине кайтарып алды. Бул тууралуу Башкы прокуратуранын маалымат кызматы билдирди.

Бишкекте кафе, соода күркөлөрү жана тосмолор алынды. Сүрөт
Ага ылайык, Аксы районунун прокуратурасы 2012-2015-жылдары трансформация болбогон жер жеке турак жай куруу үчүн Кербен шаарынын мэриясынын токтому менен берилип кеткенин аныктаган.

Себеби бул аймак айыл чарба багытында болгонуна карабай мыйзам бузуу менен курулуш иштерин жүргүзүү үчүн берилип кеткен. Аксы районунун прокуратурасынын мэриянын токтомун жокко чыгаруу боюнча өтүнүчү канааттандырылган.