БИШКЕК, 17-дек. — Sputnik. Бишкектин түштүк-батышында болгон жол кырсыгынан жөө бараткан адам каза болду. Бул тууралуу күбө окуянын видеосун Facebook баракчасына жарыялады.
Анын айтымында, жол кырсыгы Ахунбаев менен баратканда Арча-Бешик конушунда катталган.
Шаардык милициянын нөөмөт кызматы жол кырсыгы тууралуу билдирүү саат 22:40та келип түшкөнүн кабарлады. Окуя болгон жерге инспекторлор чыгып кеткен.
Тез жардам кызматы да Ахунбаев менен Ак-Туз көчөлөрүнүн кесилишинде жол кырсыгы болгону тууралуу кабар келип, жерине барган дарыгерлер кишинин каза болуп калганын аныкташканын маалымдады.