БИШКЕК, 13-дек. — Sputnik. Кыргызстандын Куралдуу күчтөрүнүн Генералдык штабынын жетекчисинин биринчи орун басары Нурлан Кирешеев менен Россиянын Куралдуу күчтөрүнүн Генералдык штабынын башчысы Валерий Герасимов Санкт-Петербург шаарында жолукту. Бул тууралуу Генштабдын маалымат кызматы билдирди.
Жолугушууда аскерий тармакта эки тараптуу кызматташуунун актуалдуу маселелерин талкуулады. Анын ичинде абадан боло турчу соккуга каршы күрөшүүдөгү аймактык биргелешкен системаны өнүктүрүү да бар.
Ошондой эле аймактагы жамааттык коопсуздукка коркунуч жаратуучу чакырыктарга анализ жасалган. "Боевое братство-2019" биргелешкен ыкчам-стратегиялык машыгуунун жыйынтыктары боюнча да пикир алышуу болду.