13-декабрь күнү аянттагы башкы балатынын оту жанды. Ал январдын ортосуна чейин элдин көзүн кубандырып турмакчы.
Быйыл Бишкектин тургундары менен меймандарына майрамдык маанай тартуулоо үчүн 5 миллион 800 миң сом сарпталды. Борбордук аянтты "Тазалык" менен "Бишкекжарыктын" 105 кызматкери кооздогон.
Балатыга миңден ашуун оюнчук илинип, 300дөн ашуун гирлянда тагылган. Анын жалпы узундугу үч чакырым экени айтылды.
Аянттын берки жагына дагы бир майрамдык композиция орнотулган.