БИШКЕК, 11-дек. — Sputnik. Премьер-министр Мухаммедкалый Абылгазиев Нарын облусундагы "Ат-Башы" индустриялык соода логистикалык борборунун пайдубалына капсула салды. Бул тууралуу өкмөттөн билдиришти.
Абылгазиев инвестициянын келиши айылдардын жана шаарлардын социалдык инфраструктурасын гана жакшыртпастан, өлкө экономикасын дагы көтөрөрүн белгилеген.
"Логистикалык борбордун курулушу – Борбор Азия аймагындагы заманбап жана ири борборлордун бири болот. Бери дегенде 10 миң жумуш оруну түзүлүп, анын 90 пайызы биздин жарандарга берилет", — деди өкмөт башчы.
Анын айтымында, долбоор кыргыз-кытай мамлекеттеринин достук мамилесинин натыйжасында жүзөгө ашырылууда. Абылгазиев 2019-жылдын 9 айында ата мекендик продукциянын экспорттук көрсөткүчү 11 пайызга жогорулап, импорт 9 пайызга төмөндөгөнүн кошумчалады.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Биздин Telegram-каналга жазылыңыз.