БИШКЕК, 11-дек. — Sputnik. Адамдын ден соолугу үчүн пайдалуу болгон алкоголдун өлчөмү жок. Керек болсо аз гана көлөмдөгү спирт ичимдиги рак илдети менен ооруп калуу коркунучун пайда кылат. Мындай жыйынтык япон-америка окумуштууларынын биргелешкен изилдөөсүндө айтыларын MedicalXpress басылмасы жазды.
Илимпоздор япониядагы 33 ооруканада рак илдетине каршы дарыланып жаткан бейтаптарга жана дени сак ыктыярчыларга изилдөө жүргүзүп, канча убакта бир ууртап-татып коё турганын сурашкан.
Аракты оозуна албагандарда рак дартынын оор формасына чалдыгуу ыктымалдуулугу өтө төмөн болгон. Ал эми ууртап-татып жүргөндөрдө дарттын оор түрү менен ооруп калуу коркунучу 5 пайызга жогорулаган.