БИШКЕК, 11-дек. — Sputnik. "Антошка" тез татым жайынын ижарачысы 56 жаштагы К.А. шаардык соттун чечими менен №1 тергөө абагына киргизилди. Бул тууралуу Бишкек шаардык милициясынын башкы башкармалыгынын маалымат кызматынын башчысы Улан Жумаков билдирди.
Белгилей кетсек, 8-ноябрда Чүй менен Эркиндик проспектилеринин кесилишиндеги тез татым жайында бир нече жарылуу болуп, өрт чыккан. Анын кесепетинен ондон ашык киши жаракат алып, бир кыз каза болгон. Окуя болгон күнү Бишкек ШИИБдин тергөө кызматы териштирүү жүргүзүп, тез татым жайдын ижарачысын кармаган. Бирок сот аны үй камагына чыгарган.
Прокуратура райондук соттун чечимине каршы чыгып, шаардык сотко кайрылган. Натыйжада К.Ж. тергөө абагына киргизилди.