БИШКЕК, 9-дек. - Sputnik. Күбөлөрдүн айтымында, Бишкектеги Асаналиев менен Гагарин көчөлөрүнүн кесилишинде атышуу болуп, жеринде төрт машина жабыркаган.
Автоунаалардын терезеси талкаланып, бир автоунаа бакты сүзүп токтогон.
Окуя болгон жерде Уюшкан кылмыштуулукка каршы күрөшүү башкармалыгынын кызматкерлери иштеп жатат.
Sputnik Кыргызстан агенттигинин кабарчысы жеринен тартып алган сүрөттөрдө жабыркаган машиналардын биринин маңдайкы терезесинде Транспорт жана жолдор министрлигинин күбөлүгү чапталган.
Алдын ала маалымат боюнча, уюшкан кылмыштуу топтун мүчөлөрү чатакташа кеткен.
Бишкек шаардык милициянын маалымат кызматынан кабарлашкандай, учурда ыкчам иликтөө иштери жүрүп жатат.
Кошумча маалымат берилет.