БИШКЕК, 8-дек. — Sputnik. Жалал-Абад облусунун экономикасын өнүктүрүү жана калктын жашоо шартын жакшыртуу максатында 1,9 миллион евро грант берилет. Бул туурасында шаар мэриясынын маалымат кызматы кабарлады.
Билдирүүгө ылайык, "Аймактарды комплекстүү өнүктүрүү" программасынын алкагында жарыяланган сынакта айыл чарба, туризм жана кайра иштетүү тармагындагы 8 долбоор жактырылган. Ал Европа биримдиги жана Германиянын экономикалык кызматташуу жана өнүктүрүү федералдык министрлиги (аткаруучу GIZ) тарабынан каржыланат.
"Аймактарды комплекстүү өнүктүрүү программасы" Жалал-Абад облусунун калкынын жашоо-шартын жакшыртууга багытталган. Ал 2018-жылдан 2022-жылга чейин иш алып барып, жалпы бюджети 11,3 миллион еврону түзөт.