БИШКЕК, 6-дек. — Sputnik. Лондондун Трафалгар аянтына коюлган балатыны шаардыктар жана социалдык тармактын колдонуучулары шылдыңдап, тартып алган сүрөттөрүн жайылтууда. Бул туурасында BBC жазды.
Адатта Улуу Британиянын борборуна коюла турган балатыны Норвегия белек катары жиберет. Бул салт катары 1947-жылдан бери уланып келе жатат. Казынада майрамдык балатыга акча жок болуп, белекке алышкан экен.
Ал арада Вестминстер кеңеши 21 метрлик карагай Лондонго Ослонун марттыгын көрсөтүп берген белеги экендигин билдирди.
Кеңештин өкүлү карагай абдан узун болгондуктан, жашоочулардын үйүндөгү балатылардан сөз жок айырмаланып турарын айтты.
Улуу Британиянын Норвегиядагы элчиси сөзгө аралашып, пикирин калтырган.
"Жандуу жаратылышта 90 жыл жашаган 25 метрлик карагай ушундай эле көрүнөт", — деген Ричард Вуд.
Анткен менен балатыны көрөбүз деп келгендерди соцтармактагылардын пикирлери токтото алган эмес.
Комментарийин калтыргандар балатынын кебетеси көрксүз, бутактары бирин-серин жана жыдып калгандай көрүнүштө экендигин айышкан.
Бир катарлары жылмаюусун жашырбай, аны көркөмдүү кылып тартууга аракет кылышкан.
Анткен менен балатынын алдында тиешелүү иш-чаралар өтүп жатканын байкоого болот.
Ал эми бул видеодо кадимкидей эле балатынын оттору күйүп-жанып, полиция тартип сакчылыгында турат.
Балаты кайсы жерден алып келинген
Көптөрдүн мыскылдоосуна кабылган карагай болжол менен 1929-жылы Троллванн деп аталган көлдүн жанындагы токойго отургузулган.
Дарактын салмагы 2 тоннага жакын экени, аны кыйып жатканда токойчулар кадимкидей сүйлөшүп, сылап-сыйпап, ал тургай кучактап, айтор өз ырым-жырымдарын жасаган.
Карагайды 19-ноябрда атайын салтанат менен Осло шаарынын аткаминерлери кыйган. Андан соң Бревиктен Иммингем портуна суу аркылуу жеткирилген.