БИШКЕК, 5-дек. — Sputnik. Facebook тармагындагы "Беспредел KG" баракчасынын администраторунун баш коргоо чарасы өзгөртүлдү. Бул тууралуу Биринчи май райондук сотунан кабарлашты.
Билдирмеге караганда, ал бүгүн, 5-декабрда, үй камагына чыгарылды.
Буга чейин УКМК (24-ноябрда) социалдык тармактын А. Ж. аттуу колдонуучусун аймак аралык кастыкты козутту деп кармаган.
Ал эми Биринчи май райондук соту анын баш коргоо чарасын карап, 2020-жылдын 24-январына чейин УКМКнын убактылуу тергөө абагына киргизүү чечимин кабыл алган.