БИШКЕК, 3-дек. — Sputnik. Сооронбай Жээнбеков мүмкүнчүлүгү чектелген балдарга жардам көрсөтүү үчүн 2 миллион 300 миң сом бөлүп берүү боюнча буйрукка кол койду. Бул тууралуу президенттин маалымат кызматынан билдиришти.
Каражат президентке караштуу Билим берүү фондунан балдарга реабилитациялык жана социалдык адаптация боюнча жардам берген коомдук уюмдарга берилет.
Буйрукка ылайык, республиканын бардык аймактарындагы 23 коомдук мекеменин ар бирине 100 000 сомдон бөлүндү.