БИШКЕК, 30-ноя. — Sputnik. Пауэрлифтер Михаил Кокляевди уткан россиялык мушкер Александр Емельяненко 1 миллион рубль гонорар алды. Бул тууралуу "Известия" басылмасы жазды.
Россиянын бокс боюнча федерациясынын өкүлү спортчуларга рингден сертификаттарды тапшырган. Ал эми Михаил Кокляев беттеш үчүн 500 миң рубль алган.
Спортчулардын беттеши 30-ноябрга караган түнү Москвадагы "ВТБ Аренасында" өткөн. Биринчи раундда эле Емельяненко Кокляевге олуттуу бир канча сокку узатууга үлгүргөн. Кокляев нокдаунга кетип, оюнду уланта алган эмес.
Емельяненкого бел курду кичинекей кызды педофилден куткарып калган Слава Дорошенко тапшырды.
Беттештен кийин Емельяненко күйөрмандарынан бат эле жеңишке жетип калганы үчүн кечирим сурады. Ал эми Кокляев болсо Емельяненко менен беттешкенине ыраазы экенин айткан.