БИШКЕК, 30-ноя. — Sputnik. Франциянын императору Наполеон Бонапарттын өтүгү Париждеги аукциондо сатылды. Бул тууралуу Drouot аукцион үйү Twitter баракчасына жарыялады.
"Наполеондун белгилүү өтүгү 117 миң 208 еврого сатылды", — деп айтылат маалыматта.
Француз тарыхчыларынын маалыматы боюнча, Наполеон 40 размердеги кара булгаары өтүктү Ыйык Елена аралында сүргүндө жүргөн кезинде өмүрүнүн аягына чейин кийген. Ал 1821-жылы каза болгон. Айрым маалыматтар боюнча, бул өтүктү император 80 франкка сатып алган.