БИШКЕК, 29-ноя. — Sputnik. Президент Сооронбай Жээнбеков Өзбекстанга Борбордук Азия мамлекет башчыларынын экинчи консультативдик жолугушуусуна катышуу үчүн учуп кетти. Бул тууралуу өлкө башчынын маалымат кызматы кабарлады.
Жолугушуунун күн тартибине саясий, соода-экономикалык, инвестициялык, транспорт жана коммуникациялык, маданий-гуманитардык жана башка тармактардагы аймактык кызматташууну кеңейтүү маселелери киргизилген.
Экинчи консультативдик жолугушуунун алкагында президент Сооронбай Жээнбековдун өзбек лидери Шавкат Мирзиёев менен жолугушуусу болот.
Расмий делегациянын курамы:
- Чыңгыз Айдарбеков — тышкы иштер министри;
- Данияр Сыдыков — президенттин аппаратынын тышкы саясат бөлүмүнүн башчысы;
- Ибрагим Жунусов — Кыргызстандын Өзбекстандагы элчиси;
- Жеңиш Разаков — вице-премьер-министр;
- Санжар Муканбетов — экономика министри;
- Жанат Бейшенов — транспорт жана жолдор министри.
Эске салсак, биринчи консультативдик жолугушуу 2018-жылдын 15-мартында Нур-Султан шаарында (Казакстан) өткөн.