БИШКЕК, 29-ноя. — Sputnik. Нью-Джерси штатындагы ооруканалардын адистери донордун бөйрөгүн пландалгандан башка адамга жаңылып салып алышкан. Бул туурасында BBC жазды.
Окуя 2019-жылдын 15-ноябрында болгон. 51 жаштагы кишини аты уйкаш адамга алмаштырып алышкан. Дарыгерлер териштире келгенде экөөнүн аты да, жашы да бирдей болуп чыккан.
Медициналык мекеменин кызматкерлери окуя тууралуу трансплантация кыла турган органдарды сатып алган уюм менен штаттын Саламаттыкты сактоо министрлигине кабарлашкан. Андан алты күн өткөндөн кийин бөйрөккө муктаж болгон адамга операция ийгиликтүү жасалган.
Оорукана жетекчиси болуп көрбөгөндөй катачылыкты мойнуна алып, экинчи мындай нерсе кайталанбашы үчүн чараларды көрөрүн убадалаган.