БИШКЕК, 28-ноя. — Sputnik. ИИМдин Жол кыймылынын коопсуздугун камсыздоо башкы башкармалыгынын маалыматына ылайык, 2018-жылдын тогуз айында 4179 автоунаа кырсыгы болсо, быйыл бул убакыт аралыгында анын саны 4691ге жетти.
Республика аймагында 2019-жылдын тогуз айында болгон жол кырсыктарынын көпчүлүгү Бишкек шаары менен Чүй облусунда катталган.
Башка облустарга салыштырмалуу авариядан Чүй, Ысык-Көл, Ош жана Жалал-Абад облустарынан көп адам көз жумган.
Эске сала кетсек, Улуттук статистика комитетинин маалыматына ылайык, 2018-жылдын 12 айында өлкө боюнча 5995 жол кырсыгы болуп, анда 716 адам мерт кеткен.
Адам өмүрүн алган жол кырсыктары борбор калаанын кайсы көчөлөрүндө көп болгонун Sputnik Кыргызстан агенттигинин материалынан окуп билип алсаңыздар болот.