БИШКЕК, 28-ноя. — Sputnik. Бишкекте бүгүн, 28-ноябрда, Жамааттык коопсуздук кеңеши боюнча уюмга мүчө өлкө башчыларынын саммити өтүп жатат. Ага президент Сооронбай Жээнбеков төрагалык кылууда.
Иш-чарага Кыргызстанды кошпогондо Белоруссия, Казакстан, Россия жана Тажикстан президенттери менен Армениянын премьер-министри катышып жатат. Жолугушуу мамлекеттик "Ала-Арча" резиденциясында өтүүдө.
Sputnik Кыргызстан эл башкарган жакшылар кандай учак менен келгенине байкоо салды.
Александр Лукашенко, Эмомали Рахмон жана Никол Пашинян Бишкекке 27-ноябрдын кечинде келишти. Аларды "Манас" эл аралык аэропортунан премьер-министр Мухаммедкалый Абылгазиев тосуп алды.
ЖККУнун Коопсуздук кеңешинде дүйнөнү түйшөлдүргөн коопсуздук жана чек ара маселелери талкууланмакчы. ЖККУга быйыл Кыргызстан төрагалык кылса, келерки жылы Россияга өтөт.