БИШКЕК, 27-ноя.— Sputnik. Россия президенти Владимир Путин бейшембинин таңында Бишкекке учуп келет. Бул туу
расында РИА Новости жазды.
Россия лидери Санкт-Петербургдан түз эле Кыргызстанга келерин анын маалымат катчысы Дмитрий Песков билдирген.
"Машакаттуу бул күндөн кийин ( Санкт-Петербург — ред.) ал (Путин — ред.) учакка отуруп эле Бишкекке учат да, эртең ал жерден да иштейт", — деп айткан ал журналисттерге.
Буга чейин Путиндин Бишкекте өтө турган ЖККУга мүчө мамлекет башчыларынын саммитине катышары маалымдалган. Анда эл аралык жана аймактар ортосундагы коопсуздук маселелери талкууланары айтылган.
Жамааттык коопсуздук жаатындагы уюмду түзүү келишимине 27 жыл мурда, 1992-жылдын 15-майында, кол коюлган. ЖККУнун башкы максаты — аталган биримдикке кирген өлкөнү тышкы саясий агрессиядан, эл аралык террорчулуктан жана жаратылыш кырсыктарынан сактоо.