БИШКЕК, 27-ноя. — Sputnik. Жалал-Абад обулусунун Майлуу-Суу шаарындагы аскер бөлүгүндө ыкчам кызмат өтөп жаткан 22 жаштагы жоокер өз жанын кыйды. Бул тууралуу КР Куралдуу күчтөрүнүн жөө аскерлеринин маалымат кызматы билдирди.
Сөөк 27-ноябрь күнү эртең мененки саат 8.00дө автоунаа паркынын аймагынан табылды.
"Ага айдын эң мыкты жоокери катары 10 күндүк өргүү берилип, үйүнөн аскер бөлүмүнө 26-ноябрь күнү кайтып келген", — деп айтылат билдирүүдө.
Учурда өлүмдүн себептерин аныктоо үчүн ички иликтөө жүргүзүлүүдө. Жалал-Абад гарнизондук аскер прокуратуратурасы аталган факты боюнча сотко чейинки өндүрүштү баштады.
Эске салсак, ай башынан бери бул аскер кызматкеринин өз өмүрүнө кол салган үчүнчү учуру. Алгач Кой-Таш айылындагы аскер бөлүмүнүн жатаканасынан майордун сөөгү табылган. Андан соң Ош облусунда келишим менен кызмат өтөгөн аскер өз жанын кыйган.