БИШКЕК, 26-ноя. — Sputnik. ИИМдин атайылаштырылган мамлекеттик күзөт башкы башкармалыгынын жетекчиси Талантбек Исаевге кылмыш иши козголду. Бул тууралуу Улуттук коопсуздук мамлекеттик комитети билдирди.
Ага ылайык, Исаевге Кылмыш-жаза кодексинин 320-беренесинин 1-бөлүгү ("Кызмат абалын кызматтын кызыкчылыктарына каршы пайдалануу, атайылап же этиятсыздыктан олуттуу зыян келтирүү") боюнча сотко чейинки тергөө амалдары башталды.
Генерал-майор Талантбек Исаев ИИМдин атайылаштырылган мамлекеттик күзөт башкы башкармалыгынын башчылыгына 2018-жылы октябрда дайындалган.