БИШКЕК, 25-ноя. — Sputnik. Кыргызстандын улуттук курама командасынын жарым коргоочусу Муролим Ахмедов "Дордой" клубунан кетип Бангладештин командасында ойнойт. Бул туурасында Кыргызстандын Футбол федерациясы билдирди.
Ахмедов Бангладештин чемпионатынын премьер-лигасында ойной турган Saif Sporting Club Ltd клубу менен келишим түзгөнү айтылат.
Ал "Дордойдун" курамында ойноп жаткан маалда команда эки жолу (2018, 2019-жылдары) Кыргызстандын чемпиону болгон. Ошондой эле Кыргызстандын кубогун жана супер кубогун утуп алган.