Акцияга 1000ден ашуун адам чогулуп, басымдуу бөлүгүн улан-кыздар түздү. Чогулгандар акцияны Кыргызстандын гимнин ырдоо менен баштап, андан соң "Райым камалсын!", "Уурулар түрмөгө!", "Реалдуу реформа!" деп кыйкырышты. Ак үй тарапка сары карточка көрсөтүп, коррупцияга каршы чечкиндүү күрөшүүгө чакырык ташташты.
Митинг саат 11.30да башталып бир жарым саатка созулган. Жарандык пикирин айтууга келгендер тынч тарап кетишти.