БИШКЕК, 22-ноя. — Sputnik. Ишемби күнү, 23-ноябрда, түнкүсүн көпчүлүк аймактарда, күндүз кээ бир райондордо жаан, кар, тоо этектеринде жана тоолуу райондордо кар түшөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүйдө -2...+3, Талас аймагында -4...+1, Нарын, Ысык-Көл жергелеринде 0...+5, Ош, Баткен жана Жалал-Абад облустарында +1…+6 градус жылыйт.
Бишкекте жаан-чачын күтүлбөйт, Ош шаарында жамгыр, кар жаайт. Күндүн табы борбор калаада -0…+2 градус болсо, Ошто термометрдин көрсөткүчү +4…+6 градуска чейин көтөрүлөт.