O Globo деп аталган жаңылыктар порталы окуя 17-ноябрь күнү Сан-Паулудагы темир жол станциясында болгондугун кабарлаган.
Маалыматта 37 жаштагы эркек киши эсин жоготуп, рельске кулаганда поезд жакындап келе жатканы айтылат. Станциянын инженери жерде жаткан кишини көрүп, составды чукул токтоткон. Камерага жазылып калган видео көргөндүн үрөйүн учурат. Себеби токтогон поезд кишинин денесин дээрлик жаап калган.
Ошол жерде тургандар жабырлануучуну рельстен алып чыгып, медиктер ооруканага алып кетишкен. Анын мээси чайкалгандыгы белгилүү болду.