БИШКЕК, 19-ноя. — Sputnik. Бишкекте эки автоунаа кагышып, анын бирөө жайкы кафенин тосмосуна барып урунган. Кырсыктын сүрөтү "Короче" Telegram каналына жарыяланды.
Toyota Ist менен Toyota Prius автоунаалары Токтогул менен Раззаков көчөлөрүнүн кесилишинде кагышкан.
Жол кыймылы коопсуздугун камсыздоо башкы башкармалыгынын маалымат кызматы аталган даректе жол кырсыгы болгону боюнча билдирүү 102 номерине саат 9:50дө келип түшкөнүн маалымдады. Алдын ала маалымат боюнча, Toyota Ist машинасын айдап бараткан эркек киши Toyota Prius менен кагышып, ал кафенин тосмосуна барып урунган.
Кырсык болгон жерге укук коргоо органдары менен дарыгерлер келип, эки айдоочу тең ооруканага жаткырылган. Автоунаалар айып короого токтотулуп, материалдардын баары тергөө органдарына өткөрүп берилди.