Байкоо үчүн орнотулган видеокамера көпүрөнүн жанында токтоп турган, ичинде кичинекей балдар бар автоунаанын сууга түшүп кеткенин жазып калган. Бул маалыматты РИА Новости таратты.
Видеону "Вконтакте" социалдык тармагына жарыялашкан.
Окуя Петербург шаарындагы Фонтанка дарыясында болгон.
Буга чейин тараган маалыматтарда ичинде эркек киши, беш айлык жана тогуз жашар бала бар автоунаанын дарыяга кирип кеткени айтылган. Аларды суудан ошол жерден өтүп бара жаткан эки киши тирүү алып чыкканга жетишкен. Тез жардамдын дарыгерлери жабырлануучуларды текшергенден кийин ооруканага жеткирген. Ал эми автоунааны өрт өчүрүүчүлөрдүн краны менен алып чыгышкан.
Өзгөчө кырдаалдар министрлигинен адам өмүрүн сактап калган эки кишинин сыйлыкка көрсөтүлгөндүгүн айтышкан.