БИШКЕК, 13-ноя. — Sputnik. Дональд Трамп Тайип Эрдоганга 100 миллиард долларлык келишим сунуштаганын Washington Post басылмасы жазды.
ЖМКнын жеке булагына таянуу менен маалымдаганына караганда, АКШ Түркияга келишимден сырткары санкцияларды өтүүчү сунуштарды да айткан.
Washington Post басылмасы Трамптын бул сунушу конгрессмендердин жинин келтириши ыктымал экенин белгиледи. Өткөн жумада алар Түркияга каршы санкцияларды киргизүүнү колдоого алышкан болчу.
Белгилей кетсек, Эрдоган АКШга 12-13-ноябрда иш сапары менен келет.
Түркия менен АКШ мамилесинин солгундашына Анкаранын Россиядан С-400 зенит-ракеталык комплексин сатып алуусу себеп болгон. Ракета комплекси 2020-жылдын апрель айынан тарта ишке киргизилет. Түркиянын мындай кадамына ачууланып, Россиянын курал-жарагынын ордуна АКШнын Patriot комплексин сатып алууну сунуштаган. Бирок Түркия Американын мажбурлоосуна көнбөй труганын билдирип, сунуштан баш тарткан болчу.