Кыргызстандык Нуржигит Субанкулов россиялык "Голос 8" сынагынын кийинки туруна өттү.
Бишкек шаарынан барган 32 жаштагы аткаруучу Нуржигит Субанкулов Рэй Чарльздын "I"ve Got a Woman" чыгармасын аткарган.
Анын аткарган ырына калыстардын бири - Россиянын эмгек сиңирген артисти Валерий Сюткин өзгөчө баалаган.
Субанкулов рок-н-ролл менен алектенерин, азырынча автордук чыгармаларды жазууга колу тийбей жатканын айткан.
Эми Нуржигит Субанкулов аталган сынактын кийинки бөлүктөрүндө ат салышат.
Буга чейин Кайрат Примбердиев Россиянын Биринчи каналындагы "Голос" долбооруна катышып, финалдык бөлүгүнө чейин жеткен.