БИШКЕК, 8-ноя. — Sputnik. Франциялык модельер Патрик-Луи Виттондун каза болгондугу тууралуу маалымат анын мода үйүнүн Instagram баракчасына жазылган.
Модельер аталган бренддин негиздөөчүсү Луи Виттондун чөбөрөсү болгон. Маалыматта анын компанияда 1973-жылдан бери иштеп келе жатканы айтылган. Модельердин Пьер-Луи жана Бенуа-Луи аттуу эки уулу, андан сырткары неберелери бар экени жазылган.
Анын эмнеден каза тапканы айтылган эмес. Патрик-Луи Виттон 68 жашка чыккан. Ал эми бренд 1854-жылдан бери элге таанымал. Негизинен люкс классындагы кийимдерди, аксессуарларды жана атырларды чыгарып келет.