БИШКЕК, 4-ноя. — Sputnik. Бишкектин борбордук көчөлөрүнүн биринде тез жардам автоунаасы менен Mercedes жана Suzuki үлгүсүндөгү эки жеңил машина кагышты.
Күбөлөр кырсыктын видеосун "Бишкек сегодня" Telegram тайпасына жөнөтүштү.
Жол кыймылы коопсуздугун камсыздоо башкы башкармалыгынын маалыматы боюнча, жол кырсыгы саат 18:00дөр чамасында Москва менен Турусбеков көчөлөрүнүн кесилишинде болгон. Милициянын алдын ала берген маалыматына ылайык, эки киши жаракат алып, бир нечесин тез жардам кызматы алып кеткен.
Медициналык тез жардам борборунун кайра жандандыруу бөлүмүнүн башчысы Егор Борисовдун айтымында, жабыркагандардын арасында бир киши жана эки бала бар. Өспүрүмдөрдүн биринин абалы оор.
Учурда жол кырсыгынын чоо-жайы такталып жатат.