БИШКЕК, 4-ноя. — Sputnik. Өзгөчө кырдаалдар министрлиги шашылыш билдирүү таратты.
Маалыматта бүгүн, 4-ноябрда, жакынкы бир саат аралыгында Бишкек шаарында, Чүй өрөөнүндө ылдамдыгы секундасына болжол менен 15-20 метрге жеткен катуу шамал болушу мүмкүндүгү айтылат.
Мындан улам ӨКМ тургундарды сак болууга чакырат.
Буга чейин синоптиктер апта башында жааган жамгыр карга айланып, абанын температурасы борбор калаада -5 градуска чейин төмөндөй турганын билдирген.