БИШКЕК, 29-окт. — Sputnik. Жалал-Абад облусунун Ноокен районунда жолдон чыгып кеткен автоунаа жардан кулап, күйөөсү менен аялы мерт болду. Бул тууралуу Жол кыймылы коопсуздугун камсыздоо башкы башкармалыгынан кабарлашты.
Жардан автоунаа кулап, жубайлар көз жумду. Ноокендеги кырсыктын сүрөтү
© Фото / пресс-служба УОБДД Джалал-Абадской области
Жол кырсык 28-октябрь күнү болжол менен саат 10:00дөр чамасында Бүргөндү — Майлуу-Суу жолунда болгон.
Алдын ала берилген маалыматтарга караганда, 63 жаштагы киши рулду башкара албай калып, автоунаа жолдон чыгып кетип, жардан кулап сууга түшкөн. Мунун кесепетинен айдоочу жана анын жанында бара жаткан аялы ошол жерден мүрт кеткен.