БИШКЕК, 29-окт. — Sputnik. Кыргызстанда кыргоолго, ондатрага жана уларга аңчылык кылуу убактысы расмий ачылды, ал бир айдан көбүрөөк убакытка созулат. Бул тууралуу Айлана-чөйрөнү коргоо жана токой чарбасы мамлекеттин агенттигинен кабарлашты.
Ага ылайык, быйылкы сезондо 4 250 кыргоол, 1 200 улар жана 1500 ондатра атууга уруксат берилет. Мекеменин маалымдашынча, Кыргызстан боюнча 31 568 кыргоол, 27 569 улар жана 19 823 ондатра бар.
Аңчылык сезону декабрь айынын биринчи жекшембисинде аяктайт.