БИШКЕК, 22-окт. — Sputnik. Борбор калаада СССРдин эл артисти, сүрөтчү жана актер Сүймөнкул Чокморовдун эстелиги жаңысына алмаштырылат. Бул туурасында муниципалитеттин маалымат кызматынан кабарлашты.
Постамент Чүй проспекти менен Тыныстанов көчөлөрүнүн кесилишине 2017-жылы коюлган. Скульптор Алмаз Кожегуловдун колунан чыккан эмгек коомчулуктун көбүнө жаккан эмес, ал тургай бир катарлары Чокморовдун элеси таптакыр башкача болуп калгандыгын айтышкан.
Сүймөнкул Чокморов атындагы коомдук фонду эстеликти чыгармачыл тажрыйба катары кароого аргасыз болуп, актердун жаңы айкелин жасоого башка скульпторлорду караштыра баштаган.
Жаңы эстеликти скульптор Азамат Абдрахманов менен архитектор Нурсейит Мамбетказиев жасады.
Сүймөнкул Чокморовдун кезектеги эстелиги 17-ноябрда кыргыз киносунун күнүнө карата орнотулат.
Биздин Telegram-каналга жазылыңыз.