Сап башына америкалык супермодель Белла Хадид чыкты. Хирург анын бет түзүлүшүн карап, оозу-мурду, ээги, жаак сөөктөрү ойдогудай жайгашкан, чекеси да идеалдуу деген.
Хадиддин сулуулугу боюнча эч кынтыгы жок деп эсептелген идеалдын 94,35 пайызына туура келери айтылып, дүйнөдөгү абдан сулуу аял деген баага татыган. Экинчи орунду ырчы Бейонсе (92,44 пайыз), үчүнчү орунду эч кимдикинде жок мурду үчүн Эмбер Херд (91,85 пайыз) ээлеген.
Жакшынакай кыз-келиндердин ондугуна Ариана Гранде, Тейлор Свифт, Кейт Мосс, Скарлетт Йоханссон, Натали Портман, Кэти Перри жана Кара Делевинь кирген.