БИШКЕК, 15-окт. — Sputnik. Блогер Ербол Едилов Telegram-каналына Казакстандын башчысынын жалгыз уулунун сүрөтүн жүктөдү.
Sputnik Казакстан агенттигинин жазышынча, Тимур Токаев — Касым-Жомарт Токаевдин жалгыз уулу, 1984-жылы төрөлгөн. Ачык булактарда ал тууралуу маалыматтар аз.
2009-жылы анын "Казакстан Республикасынын Батыш мамилесине карата стратегиясы: улуттук кызыкчылыктар, артыкчылыктар, багыттар" аталышындагы диссертациясын жактаганы маалым.
Тимур — саясий илимдердин кандидаты жана ишкер. Алты жыл мурда "Аби Петролеум Кэпиталдын" түзүүчүлөрүнүн бири экендиги айтылган. Компания Атырау облусунун Грядовое кенинен көмүр суутектүү чийки заттарды казуу менен алектенерин жазышкан. 2012-жылы кирешенин көлөмү 21,3 миллион долларга чейин өскөн. Тимур Токаев — өзүнүн чоң атасы, белгилүү жазуучу Кемел Токаев атындагы кайрымдуулук фондусунун түптөөчүсү.
Касым-Жомарт Токаев ажырашкан.